სერია ა-ს მორიგ ტურში "ლეჩესთან" გამარჯვების შემდეგ (1:0) ტურინის "იუვენტის" მთავარმა მწვრთნელმა მასიმილიანო ალეგრიმ კომენტარი გააკეთა.
ალეგრიმ თქვა, რომ საჩემპიონო ბრძოლაში იუვენტუსის შანსები კონკურენტებთან შედარებით მცირეა.
"გამარჯვება მნიშვნელოვანი იყო, განსაკუთრებით ისეთი დასანანი მარცხის შემდეგ, როგორიც "სასუოლოსთან" იყო. დღეს ისეთ გუნდს ვეთამაშებოდით, რომელიც ცოტა გოლს უშვებს, მაგრამ შექმნილი მომენტები გამოვიყენეთ, მეტოქეს კი ბევრი დარტყმა არ ჰქონდა".
"რთული თამაში გამოვიდა, ძალიან გაგვიჭირდა, თუმცა ბიჭებმა დღეს კარგი მატჩი ჩაატარეს".
"არ მსურს იმის დამალვა, რომ "ინტერს", "მილანსა" და "ნაპოლის" ჩვენზე კარგი შემადგენლობა ჰყავთ, ამიტომ მათი საჩემპიონო შანსებიც უფრო დიდია. წელს არ გვყავს ბევრი გამოცდილი ფეხბურთელი, მაგრამ გვყავს ისინი, ვისაც გაზრდა და განვითარება შეუძლიათ", - თქვა ალეგრიმ.
