10 საუკეთესო ფეხბურთელი ტურინის "იუვენტუსის" ისტორიაში

image

გამოცემა Betsson-მა ტურინის "იუვენტუსის" ისტორიაში 10 საუკეთესო ფეხბურთელი დაასახელა.

10. დინო ძოფი

1972 წლისთვის, როდესაც ძოფი "იუვენტუსში" მივიდა, მას უკვე ჰქონდა ჩატარებული 300ზე მეტი თამაში იტალიის ჩემპიონატში. "იუვეში" თამაშის დროს კი მან დაამტკიცა, რომ იმხანად მსოფლიოში უკონკურენტო იყო.

9. ზინედინ ზიდანი

ბევრი თვლის, რომ ზიდანის სახელი უფრო მეტად მადრიდის "რეალთანაა" დაკავშირებული, თუმცა მისი აღზევება "იუვენტუსიდან" დაიწყო. "იუვესთან" ერთად ფრანგმა სკუდეტო ორჯერ მოიგო, ხოლო ჩემპიონთა ლიგის ფინალში ასევე ორჯერ გავიდა.

8. ჯონ შარლესი

ერთ-ერთი საუკეთესო უელსელი ფეხბურთელი ისტორიაში. 1957 წელს იგი რეკორდული თანხის სანაცვლოდ "იუვენტუსში" გადავიდა შემდეგ 155 შეხვედრაში 108 გოლის გატანა მოახერხა.

7. რობერტო ბეტეგა

იტალიელმა ფეხბურთელმა "იუვენტუსის" შემადგენლობაში 482 შეხვედრა ჩაატარა და ამ მაჩვენებლით იგი მეხუთე ადგილზეა გუნდის ისტორიაში. მისი 178 გოლი "იუვეს" დაეხმარა მოეგო უამრავი ტიტული, მათ შორის უეფას თასი.

6. ჯანპიერო ბონიპერტი

ბონიპერტის ანგარიშზე 179 გატანილი გოლია "ბიანკონერის" მაისურით. მან მთელი კარიერა "იუვენტუსს" შესწირა, ხოლო კარიერის დასრულების შემდეგ პოლიტიკაში იპოვა თავისი ადგილი.

5. ომარ სივორი

არგენტინაში დაბადებული სივორი "იუვეს" 1957 წელს შეუერთდა. მისი დიდი ძალისხმევით "იუვემ" 60-იანი წლების სტარტზე ბევრი ტიტული მოიგო, ხოლო თავად სივორიმ სამუდამოდ დაიკვიდრა ადგილი იუვენტინოების გულში.

4. გაეტანო სკირეა

1989 წელს სკირეა ტრაგიკულად დაიღუპა 36 წლის ასაკში. მისი დამსახურებით "იუვემ" უამრავი ტიტულის მოგება მოახერხა, ხოლო საერთო ჯამში მან "ბიანკონერის" მაისური 552 შეხვედრაში მოირგო.

3. მიშელ პლატინი

ბევრი სხვა ფეხბურთელია, რომელმაც "იუვენტუსში" იმაზე მეტი ითამაშა, გაიტანა ან ტიტული მოიგო, ვიდრე პლატინიმ, თუმცა პლატინის თამაში გულშემატკივართათვის სხვა ესთეტიკის მიმნიჭებელი იყო. "იუვეში" თამაშის დროს ფრანგმა ოქროს ბურთის მოგება 3-ჯერ მოახერხა.

2. ჯანლუიჯი ბუფონი

2001 წელს "პარმადან" გადასულმა ჯანლუიჯი ბუფონმა "იუვენტუსს" ყველაფერი შესწირა. მან ვერ მოახერხა ჩემპიონთა ლიგის მოგება ტურინულ გრანდთან ერთად, მაგრამ მოიგო მთავარი - გუშემატკივართა გულები.

1. ალესანდრო დელ პიერო

კლუბის სიმბოლო - ეს სიტყვები ყველაზე უკეთ აღწერს ამ ფეხბურთელს. მან "იუვენტუსს" 19 წელი შესწირა, გაიტანა 290 გოლი და ითამაშა 705 თამაში. რაც მთავარია, მისი დიდი დამსახურებით 1996 წელს "იუვენტუსმა" ჩემპიონთა ლიგა მოიგო. "ძნელია სიტყვებით აღწერო ალექს დელ პიერო", - აცხადებდა პაველ ნედვედი.
скачать dle 10.5фильмы бесплатно

კომენტარის დამატება

კოდის განახლება
* გაიარეთ საიტზე ავტორიზაცია, რაც კომენტარის დატოვების პროცედურას გაგიმარტივებთ
რეკლამა

დანაკლისები
დისკვალიფიცირებული: -
ტრავმირებული: ხედირა, კასერესი, დიბალა
გამოკითხვა

შეცდომაა თუ კარგი ნაბიჯი ალეგრის სარით ჩანაცვლება?

შემოგვიერთდით
მულტიმედია
Image
Image
Image
Image
Image
Image
Image
Image
Image