ადამიანი, რომელსაც მესამედ იმედი აღარ უნდა გაუცრუვდეს

image

"იუვენტუსმა" ჩემპიონთა ლიგის წინა ორი ფინალი წააგო და თავისი ბრწყინვალე კარიერის განმავლობაში ლეგენდარულმა იტალიელმა მეკარე ჯანლუიჯი ბუფონმა ევროპის ყველაზე პრესტიჟული ტურნირის თასი ვერ აღმართა, რაც ყველა ნეიტრალური გულშემატკივრისათვის უსიამოვნო ფაქტია.

2003 წელს, როცა "ბიანკონერიმ" ჩემპიონთა ლიგის თასი "მილანთან" დათმო, ყველა ფიქრობდა, რომ დადგებოდა დრო და ჯიჯი მაინც ჩაიგდებდა ხელში ამ ჯილდოს და ამის შანსი 12 წლის შემდეგ მიეცა, თუმცა ბერლინის ფინალში "ბარსელონასთან" ვერაფერი გააწყო და საკლუბო ფეხბურთში ყველაზე დიდი პრიზის გარეშე დარჩა.

"მილანთან" მარცხი ძალიან მწარე იყო, თუმცა მაშინ ჯერ კიდევ 25 წლის ვიყავი და მჯეროდა, რომ ჩემპიონთა ლიგას ერთხელ მაინც დავასრულებდი ტრიუმფით. მიმდინარე სეზონში "ბარსელონასთან" გამარჯვება განსაკუთრებულად არ აღმინიშნავს, რადგან ვიცი, რომ ჯერ დასრულებული არაფერია. იმედგაცრუება ძალიან მტკივნეულია და ჩემ თავს არ მივცემ აღნიშვნის საშუალებას მანამ, სანამ საბოლოო შედეგი არ მეცოდინება", - ამბობს 39 წლის მეკარე.

მიუხედავად იმისა თუ რამდენად მიკერძოებულია გულშემატკივარი, შეუძლებელია არ მოგწონდეს ბუფონი და არ გინდოდეს, რომ თავისი საოცნებო თასი ერთხელ მაინც აღმართოს. მაგალითისთვის შეგვიძლია ლონდონის "არსენალის" ჩეხი მეკარის, პეტერ ჩეხის ნათქვამი მოვიყვანოთ:

"დაე საუკეთესომ გაიმარჯვოს, მაგრამ ძალიან მინდა, რომ "მაესტრო" ჩემპიონთა ლიგის თასით ხელში ვიხილო. ოლივერ კანი, პიტერ შმეიხელი და ედვინ ვან დერ საარი იყვნენ ჩემი კუმირები, მათ ყველას განსხვავებული სტილი ჰქონდათ, რომლითაც საუკეთესოები იყვნენ, შემდეგ გამოჩნდა ბუფონი და ყველაფერი შეცვალა".

ჯიჯი მსოფლიო ფეხბურთის ნამდვილი მოვლენაა, 39 წლის ასაკში უკვე 621 წუთია, რაც ჩემპიონთა ლიგაზე გოლი არ გაუშვია! ანდრეა პირლო ამბობდა, რომ უბრალოდ ტკბებოდა ვარჯიშებზე მისი ყურებით, ხოლო ფრანჩესკო ტოლდოს თქმით, მნიშვნელობა არ აქვს თუ რამდენ ტიტულს მოიგებს ბუფონი, ის ისტორიაში საუკეთესოა.

მისი პოპულარობა საკმაოდ თვალსაჩინოა. მას მოიხსენიებენ როგორც მეკარეების ღმერთს, "სან ჯიჯის", თუმცა გულშემატკივრების უმრავლესობას ის მისი ხასიათის გამო მოსწონს. ცოტამ თუ შეძლო ის, რომ მოედანზე ბრწყინვალეები ყოფილიყვნენ და პარალელურად ყველა გუნდის გულშემატკივრების უდიდესი სიმპათიები დაემსახურებინათ.

ჯიჯის ყველაზე დიდი პლუსი მისი ადამიანობაა. ალვარო მორატამ "იუვენტუსი" საკმაოდ უკმაყოფილოდ დატოვა და არავინ ეცადა სიტუაციის გამოსწორებას, შემდეგ გამოჩნდა ბუფონი და განაცხადა: "ალვაროს "იუვესთან" ბოლო პერიოდში ბევრი ნეგატიური გრძნობები აკავშირებს. მე ვესაუბრე მას ამის შესახებ და ბოდიში მოვუხადე, იმედია მე და მთელ გუნდს გვაპატიებს".

კარდიფის ფინალში, იმ შემთხვევაში, თუ "რეალი" და "იუვენტუსი" ერთმანეთს დაუპირისპირდებიან, ალვარო მორატა ყველანაირად ეცდება მადრიდელებს კონტინენტური ჯილდო შეუნარჩუნოს, თუმცა რთულია, როცა შენი დავალება იმ მეკარის კარში გოლის გატანაა, რომელიც თავის დროზე მშობელი მამასავით გეპყრობოდა.

არა მარტო მორატა, არ არსებობს ფეხბურთელი, რომელსაც ჯიჯისთან რაიმე კავშირი ჰქონდა და შემდეგ მას აუგად იხსენიებდა. ყველა ფეხბურთის ნამდვილი გულშემატკივრების გულში არის სოლიდარობის გრძნობა მისდამი და სურს, რომ ბუფონმა ეს თასი საბოლოოდ, 39 წლის ასაკში აღმართოს.
скачать dle 10.5фильмы бесплатно

კომენტარის დამატება

კოდის განახლება
* გაიარეთ საიტზე ავტორიზაცია, რაც კომენტარის დატოვების პროცედურას გაგიმარტივებთ
რეკლამა

დანაკლისები
დისკვალიფიცირებული: -
ტრავმირებული: ხედირა, კასერესი, დიბალა
გამოკითხვა

შეცდომაა თუ კარგი ნაბიჯი ალეგრის სარით ჩანაცვლება?

შემოგვიერთდით
მულტიმედია
Image
Image
Image
Image
Image
Image
Image
Image
Image