ალბათ ყველას კარგად მოგეხსენებათ იმის შესახებ, რომ პაულო დიბალა "ინტერში" გადასვლასთან ერთ ნაბიჯში იყო, თუმცა, როგორც ჩანს, ეს ასე არ არის.

"ნერაძურიმ" რამდენიმე საათის წინ რომელუ ლუკაკუს ტრანსფერი დახურა და ამან შეიძლება პაულოს მომავალი შეცვალოს.

იტალიური მედიის ცნობით, "ინტერი" არგენტინელსაც და ბელგიელსაც ერთად ვერ შეინახავს, ეს ძალიან რთული იქნება.

სწორედ ამიტომ, "ლა ჯოიამ" შესაძლოა სხვა მილანურ კლუბს მიაშუროს.

ვრცელდება ჭორები, რომ პაოლო მალდინი მზად არის მოლაპარაკებები დაიწყოს "იუვენტუსის" აწ უკვე ყოფილ ვარსკვლავთან.

ასე რომ, დიბალას მომავალი ჯერ კიდევ ბურუსით არის მოცული და არავინ იცის სად წავა იგი.