არსებობს იმის ალბათობა, რომ კრიშტიანუ რონალდუმ "მანჩესტერ იუნაიტედი" ერიკ ტენ ჰაგის მოსვლის გამო დატოვოს. გავრცელებული ინფორმაციით, პორტუგალიელი არ ჯდება ერიკის სათამაშო სტილში.

ნიკო სკირას მიერ გავრცელებული ინფორმაციის თანახმად, სწორედ ამის გამო, კრიშტიანუმ თავი მის ყოფილ კლუბში შესთავაზა.

იტალიელი ჟურნალისტის თქმით, საუბარია ტურინის "იუვენტუსზე".

როგორც მედიაში იწერება, რონალდუ მზადაა დატოვოს მანჩესტერული კლუბი და ტურინელებს მისმა აგენტმა მიმართა. იგი მოხარული იქნება იტალიაში დაბრუნებით.

ეს, რა თქმა უნდა, ნაკლებ სავარაუდოა, ისევე როგორც ნეიმარის მოსვლა, თუმცა არასოდეს იცი რა მოხდება სატრანსფერო ფანჯარაზე, განსაკუთრებით ზაფხულში.