კრიშტიანუ რონალდუ "მანჩესტერ იუნაიტედით" ძალიან უკმაყოფილოა და გუნდის დატოვებას უკვე რეალურად განიხილავს, - წერს მანუ საინსი.

პორტუგალიელ ვარსკვლავს ტიტულების მოგება სურს, "იუნაიტედი" კი სატრანსფერო ბაზარზე უშედეგოდ ირჯება და ტრანსფერებს ვერ აკეთებს.

რონალდუ ფიქრობს, რომ დარვინ ნუნიესის "ლივერპულში" და ერლინგ ჰოლანდის "მანჩესტერ სიტიში" ტრანსფერების შემდეგ, ამ გუნდებმა კიდევ უფრო გაასწრეს "იუნაიტედს".

შვიდიანის აზრით, "მანჩესტერი" კონკურენტებს ძალიან ჩამორჩება და ჩემპიონობისთვის ბრძოლა თითქმის შეუძლებელია.

რონალდუს გეგმებში კი ნამდვილად არ შედის, რომ კარიერის ერთ-ერთი უკანასკნელი სეზონი სუსტ კლუბში გაატაროს, რომელიც ტიტულებისთვის ვერ იბრძოლებს.

ასე რომ, მეგა ვარსკვლავის წასვლა უკვე ისევ განიხილება.