როგორც მოგეხსენებათ, უკვე ოფიციალურად დადასტურდა, რომ ხვიჩა კვარაცხელია კარიერას "ნაპოლიში" გააგრძელებს.

რა თქმა უნდა, იტალიური მედია ქართველი გარემარბის ტრანსფერზე უკვე ალაპარაკდა, ამას sport.sky.it-ი და football-italia-ც არ ჩამორჩნენ. გამოცემები წერენ, რომ ლაურენტისმა კვარაცხელიას ზედმეტსახელი მოუგონა, რომელიც "ძიძი" იქნება.

"შემიძლია, "ჯორჯა" დავარქვა, მაგრამ ეს სახელი მომღერალს ეკუთვნის. დიდი ალბათობით, "ძიძი" იქნება, რადგან ასე უფრო მარტივია. ის ასეთი სახელის მქონე იქნება ყველა ნეაპოლელისთვის", - ციტირებენ გამოცემები ლაურეანტისის სიტყვებს.

ცნობისთვის, "ნაპოლი" კვარაცხელიასთან 5-წლიან კონტრაქტს გააფორმებს და, უდიდესი ალბათობით, გუნდის სასტარტო შემადგენლობაშიც მოხვდება.