საქართველოს ნაკრების 21 წლის ლიდერი, ხვიჩა კვარაცხელია იტალიაში გაფრინდა, სადაც წინასასეზონო შეკრებას გაივლის.

Matchday-მ იტალიაში გაფრენდამდე ხვიჩა კვარაცხელიასთან საინტერესო ინტერვიუ ჩაწერა:

"დიდი ემოციებით მივდივარ, რა თქმა უნდა სასიხარულოა ასეთ გუნდში გადასვლა. დავემშვიდობე ოჯახს და მივდივარ, რომ ჩემი შესაძლებლობები დავამტკიცო.

კახა კალაძეს ვესაუბრე. მან მითხრა, რომ ძალიან კარგი ჩემპიონატია, ვილაპარაკეთ რაღაც თემებთან დაკავშირებით და მითხრა, რომ ძალიან მელოდებიან, მეც დიდი სურვილით ჩავდივარ." - განაცხადა ხვიჩა კვარაცხელიამ Matchday-სთან ინტერვიუში.

შეგახსენებთ, რომ 21 წლის ქართველი ფეხბურთელი "ნაპოლიმ" ბათუმის "დინამოდან" 10 მილიონი ევროს სანაცვლოდ შეიძინა.