ალბათ ყველას კარგად მოგეხსენებათ იმის შესახებ, რომ მატიას დე ლიხტი ზაფხულში ტურინის "იუვენტუსს" დატოვებს.

"ბებერი ქალბატონი" უკვე ეძებს მის შემცვლელს და რამდენიმე ვარიანტი შეარჩია კიდევაც.

ნიკო სკირას მიერ გავრცელებული ინფორმაციის თანახმად, "ბიანკონერი" კალიდუ კულიბალის აგენტს ამ წუთებში მილანში ხვდება.

წყაროს მტკიცებით, ტურინელთა წარმომადგენლები სენეგალელი მცველის და "ნაპოლის" დარწმუნებას აპირებენ, რომ ტრანსფერი შედგეს.

აღსანიშნავია, რომ შავ-თეთრები მცველის სანაცვლოდ დაახლოებით 40 მილიონ ევროს იხდიან.

ვნახოთ როგორ განვითარდება მოვლენები და რას გადაწყვეტენ ნეაპოლელები.