ალბათ ყველას კარგად მოგეხსენებათ იმის შესახებ, რომ პოლ პოგბამ ტრავმა მიიღო, რის გამოც, დიდია იმის ალბათობა, რომ გამოტოვოს 4 თვე, თუმცა ეს ჯერჯერობით უცნობია.

ფრანგი ხვალ გაივლის სამედიცინო შემოწმებას და გავარკვევთ რა ხდება მის თაობაზე.

აღსანიშნავია, რომ "ბებერმა ქალბატონმა" უკვე დაიწყო მუშაობა ახალი შუახაზელის მოსაყვანად.

ლუკა მომბლანოს მიერ გავრცელებული ინფორმაციის თანახმად, შავ-თეთრები სერგეი მილენკოვიჩ-სავიჩს უბრუნდებიან.

წყარო იტყობინება, რომ "ლაციოს" პრეზიდენტს 60/70 მილიონი ევროს მიღება სურს სერგეის სანაცვლოდ.

ვნახოთ დაიწყებს თუ არა ტურინული გრანდი მოლაპარაკებებს უახლოეს პერიოდში.