ჟურნალისტ ჯანლუკა დი მარციოს მიერ გავრცელებული ინფორმაციის თანახმად, "იუვენტუსი" მიშელე ბესაჯიოს ტრანსფერზე მუშაობს.

როგორც დი მარციო იტყობინება, "ბებერი ქალბატონი" უახლოეს დღეებში "ჯენოას" დაუკავშირდება 20 წლის ფეხბურთელთან დაკავშირებით.

აღსანიშნავია, რომ მიშელე "ჯენოას" 19 წლამდელთა გუნდიდან პირველში 2022 წლის 1-ლი ივლისიდან დააწინაურეს.

იტალიელ შემტევ ნახევარმცველს, ცნობისათვის, "Transfermarkt-ი" 200 000 ევროდ აფასებს. ამრიგად, საინტერესოა, რამდენად შედგება შეთანხმება.