რუსული "უფას" მთავარმა მწვრთნელმა ვადიმ ევსეევმა, რომელიც წარსულში "სპარტაკისა" და "ცსკას" მცველი იყო და რუსეთის ნაკრებშიც უწევდა თამაში, წარსულზე ალაპარაკდა.

მისი თქმით, უამრავი თავდამსხმელის წინააღმდეგ უთამაშია, ხოლო შოთა არველაძე ერთ-ერთია, ვინც იგი გააოცა.

"უამრავი მაღალი დონის ფორვარდის წინააღმდეგ მითამაშია, მათ შორის ბერბატოვის, ეტო'ოს, ანრისა და ალან სმიტის. ასევე მომიწია ახალგაზრდა კრიშტიანუ რონალდუს გამოცდა".

"შოთა არველაძემ, რომელიც "აიაქსში" თამაშობდა, გამაკვირვა. იგი არასტანდარტულად უდგება ყველა სიტუაციას", - განაცხადა ევსვმა.