საბუკმეიკერო კანტორებმა 2020 წლის ოქროს ბურთის გამარჯვების ფავორიტები დაასახელეს.

ჩამონათვალში პირველ ადგილს კატალონიის "ბარსელონას" ლიდერი, ლეო მესი იკავებს. მისი შანსები 3.5 კოეფიციენტით ფასდება.

საინტერესოა, რომ მეორე ადგილზე არა კრისტიანო რონალდუ, არამედ კილიან მბაპეა. ფრანგი ფორვარდის კოეფიციენტი 7.5-ს შეადგენს, მაშინ, როდესაც პორტუგალიელი ვეტერანის შანსებს არც მეტი არც ნაკლები 9.0 კოეფიციენტით აფასებენ. ხუთეულში ასევე შედიან კევინ დე ბრუინი და სადიო მანე.