"იუვენტუსის" ლეგენდარული მეკარე და კაპიტანი, ჯიჯი ბუფონი, უკვე 42 წლისაა, თუმცა კარიერის დასრულებას ჯერ არ პირებს. მეტიც, ჯიჯი გეგმავს, რომ გუნდთან ხელშეკრულება კიდევ ერთი წლით გაახანგრძლივოს. 

მიუხედავად იმისა, რომ ჯიჯი უკვე სათადარიგო მეკარეა, ნათელია, რომ ის "ბიანკონერის" მაისურს კიდევ არაერთხელ მოირგებს. მით უმეტეს, რომ ბუფონს რეკორდი აქვს დასამყარებელი.

კერძოდ, სერია ა-ში ჩატარებული შემდეგი შეხვედრა იტალიელი კიპერისთვის სარეკორდო იქნება და უკვე 648 მატჩი დაუგროვდება. ამჟამად ბუფონსა და პაოლო მალდინის 647-647 თამაში აქვთ ჩატარებული.