წუხელ "იუვენტუსმა" ქულები კვლავ დაკარგა და სიტუაცია კიდევ უფრო გაართულა. ტურინელები ამჯერად "ვერონასთან" დასჯერდნენ ერთ ქულას.

შეხვედრა 1-1 მორჩა, გოლი კი კრიშტიანუ რონალდუმ გაიტანა. პორტუგალიელი სუპერვარსკვლავი და მსოფლიოს ერთ-ერთი საუკეთესო ფეხბურთელი ჩინებულ ფორმაშია და გოლების გატანას არ წყვეტს.

როგორც გავლენიანი გამოცემა "Tuttosport"-ი იუწყება, ანდრეა პირლო კრიშტიანუ რონალდუს "სპეციას" წინააღმდეგაც ძირითადში ათამაშებს. რაც იმას ნიშნავს, რომ შვიდიანს დასვენება არ მოუწევს "პორტუსთან" მატჩამდე. ზემოთ ხსენებულ ორ მატჩს შორის, "იუვე" "ლაციოს" შეერკინება.