"იუვენტუსში" ბევრი ფეხბურთელი მოგროვდა, რომელთა გაშვებაც ტურინელებს ძალიან სურთ.

ერთ-ერთი მათგანია აარონ რემზი, რომელიც "არსენალიდან" თავისუფალი აგენტის სტატუსით გადასვლის შემდეგ, იტალიაში დიდად ვერ ბრწყინავს. ამიტომ, "იუვენტუსში" ეძებენ ისეთ კლუბს, რომელიც უელსელს იყიდის.

მათი აზრით, ესეთი კლუბი "ლივერპულია". ESPN-ის ინფორმაციით, "იუვენტუსის" სატრანსფერო დეპარტამენტში მერსესაიდული კლუბისგან ზაფხულში შეთავაზების გაკეთებას მოელიან, რადგან გუნდის თავკაცი, იურგენ კლოპი რემზის დიდი გულშემატკივარია და მის მიმართ სიმპათიები აქვს.

ბევრის აზრით, "ლივერპულს" მართლაც ესაჭიროება კიდევ ერთი ნახევარმცველი. ეს კი ამ ტრანსფერის შესაძლო მოხდენის ალბათობას კიდევ უფრო ზრდის.