"ბრენტფორდისა" და "მანჩესტერ იუნაიტედის" შეხვედრის ერთ-ერთი მთავარი მოვლენა კრიშტიანუ რონალდუს მოედნიდან გაყვანა იყო, რაც მედიას და სოციალურ ქსელებს მოედო.

პორტუგალიელი ძალიან უკმაყოფილო იყო და ემოციებს ვერც სათადარიგოთა სკამზე დაჯდომის შემდეგ ვერ მალავდა.

რალფ რანგნიკმა მედიასთან საუბრისას გაამხილა, თუ რა უთხრა მას პორტუგალიელმა და როგორ უპასუხა მწვრთნელმა.

"რონალდუ მოვიდა და მეკითხებოდა - 'რატომ მე? რატომ გამიყვანე მე?

მე კი ვუპასუხე რომ ეს გადაწყვეტილება კლუბისთვის მივიღე. ალბათ, რამდენიმე წელიწადში, როდესაც ის მწვრთნელი გახდება, ჩემს გადაწყვეტილებას გაიგებს.

რონალდუს გოლების გატანა სურს, თუმცა ჩვენ უნდა გავითვალისწინოთ, რომ 3 დღეში კიდევ ერთი მატჩი გვაქვს. ის ტრავმიდან ახლა დაბრუნდა", - განაცხადა რანგნიკმა.