როგორც მოგეხსენებათ, გუშინ ტურინის "იუვენტუსი" კოპა იტალიის ეგიდით რომის "ლაციოს" დაუპირისპირდა.
შეხვედრა საკმაოდ დაძაბული გამოდგა და მასში გამარჯვება "ბებერმა ქალბატონმა" გლეისონ ბრემერის გოლით მოიპოვა - 1:0.
მატჩის შემდეგ "ბიანკონერის" მთავარმა მწვრთნელმა მასიმილიანო ალეგრიმ მედიასთან ისაუბრა.
"ლაციოს" წინააღმდეგ თამაში მარტივი არ არის. თუ ისინი ასწრაფდებიან, საშიშები ხდებიან, განსაკუთრებით ბოლო 25 მეტრში. ჩვენ მათი შეკავება შევძელით, განსაკუთრებით მეორე ტაიმში.
მეორე ნახევარში "ლაციო" ბურთს ფლობდა, ჩვენ კი ხიფათს კონტრშეტევებით ვქმნიდით. მარტივი პერიოდი არ გვქონია, რადგან "მონცასთან" წავაგეთ, ასეთი თამაშების ჩატარება კი საკმაოდ რთულია.
ლოკატელი გუნდის მნიშვნელოვანი ფეხბურთელი ხდება, რომელიც სულითა და გულით თამაშობს. მას "იუვენტუსის" დნმ აქვს და უკან არასდროს იხევს.
რაც შეეხება კიეზას, ფედერიკო ტრავმიდან კარგად დაბრუნდა და კარგი მომენტებიც შექმნა. ვლაჰოვიჩი კარგი იყო, კუადრადო კი შეუდარებელი," - განაცხადა ალეგრიმ.
