ძალიან გავლენიანი და ავტორიტეტული იტალიელი ჟურნალისტი, ჯანლუკა დი მარციო, "იუვენტუსთან" დაკავშირებით ახალ ინფორმაციას ავრცელებს.

წყაროს მტკიცებით, პოლ პოგბას კუნთი აღარ სტკივა. ფრანგი ნახევარმცველი სრულიად გამოჯანმრთელდა და მზადაა ვარჯიშებისთვის.

თუმცა, დიდი ალბათობით, იგი "სალერნიტანასთან" სერია ა-ს მომდევნო ტურის მატჩში მაინც არ იქნება.

პოლმა მძიმე პერიოდი გამოიარა და ნელ-ნელა ბრუნდება. ალეგრის ვარაუდით, 2 თვეში ფრანგი საუკეთესო კონდიციებში ჩადგება.