როგორც მოგეხსენებათ, დღეს ტურინის "იუვენტუსი" ევროპა ლიგის პლეიოფის ეგიდით "ნანტს" დაუპირისპირდება.

აღნიშნული შეხვედრა "ბებერი ქალბატონისთვის" საკმაოდ მნიშვნელოვანია, რადგან გუნდის მიზანი ევროპა ლიგაზე ტრიუმფის მიღწევაა.

ფრანგულ კლუბთან დაპირისპირების წინ "ბიანკონერის" მთავარმა მწვრთნელმა მასიმილიანო ალეგრიმ ლაზარეთის ამბებზე ისაუბრა.

იტალიელი სპეციალისტის თქმით, ხუან კუადრადო და ლეონარდო ბონუჩი მატჩის ჩასატარებლად მზად არიან, ხოლო კაიო ხორგე და პოლ პოგბა გუნდს კვლავ ვერ დაეხმარებიან.