"იუვენტუსმა" დღეს "ნანტის" წინააღმდეგ მნიშვნელოვანი გამარჯვება მოიპოვა და ევროპა ლიგის 1/8 ფინალში გასვლა მოახერხა.

აღსანიშნავია, რომ ამ დაპირისპირებაში ანხელ დი მარიამ ჰეთ-ტრიკი შეასრულა და მატჩის საუკეთესო ფეხბურთელადაც დასახელდა.

თუმცა, არგენტინელთან ერთად "ბებერი ქალბატონის" ქომაგებმა ნიკოლო ფაჯიოლის პერფორმანსიც გამოარჩიეს, რომელმაც ასევე მაღალი შეფასება დაიმსახურა.

იტალიელმა საგოლე გადაცემა გააკეთა და ბევრი კარგი მომენტით დაგვამახსოვრა თავი. ტურინულ კლუბს ნამდვილად კარგი ახალგაზრდა მოთამაშე ეზრდება მისი სახით.