ლეანდრო პარედესის მომავალი "იუვენტუსში" ბუნდოვანია. უცნობია გამოისყიდის თუ არა მას "ბებერი ქალბატონი" "პსჟ-დან", თუმცა, ამ მომენტისთვის, ეს ნაკლებად მოსალოდნელია.

არგენტინელით ტურინული კლუბი დიდად ვერ მოიხიბლა და სწორედ ამიტომ, მისი შემცვლელის ძებნაში აქტიურად არიან ჩართულნი.

Gazzeta dello sport - ის მიერ გავრცელებული ინფორმაციის თანახმად, "ბიანკონერი" შორს აღარ წავიდა და მათივე საკუთრებაში მყოფი ფეხბურთელის დაბრუნებაზე ფიქრობს.

წყაროს მტკიცებით, ნიკოლო როველა, რომელიც ახლა "მონცაშია" განათხოვრებული და შესანიშნავად ასპარეზობს, შავ-თეთრების მთავარი კანდიდატია ლეანდროს შესაცვლელად.

უდიდესი ალბათობით, როველა პრე-სეზონზე დაუბრუნდება ტურინს, ხოლო პარედესი გაუდგება გზას პარიზისკენ.