ხვიჩა კვარაცხელია დაფრინავს. ქართველმა "ატალანტას" წინააღმდეგ გუშინ სერია ა-ში მორიგი სუპერ გოლი შემოგვთავაზა.

კვარას ასეთი სეზონის გამო, უამრავი კლუბი დაინტერესდა მისი შეძენით და მზად არიან საკმაოდ დიდი თანხაც გადაუხადონ "ნაპოლის".

თუმცა, გავლენიანი და ავტორიტეტული ჟურნალისტის, ფაბრიციო რომანოს მიერ გავრცელებული ინფორმაციის თანახმად, ნეაპოლური კლუბი არ გეგმავს, რომ გაყიდოს კვარა.

მეტიც, წყაროს მტკიცებით, ისინი ხვიჩას ახალ კონტრაქტს შესთავაზებენ ზაფხულში. "ნაპოლის" ახლა სურს, რომ ფეხბურთელი მხოლოდ და მხოლოდ მინდორზე იყოს კონცენტრირებული.