კატალონიის “ბარსელონას” კოტ დ’ივუარელი მოთამაშეს, ფრანკ კესიეს ბევრი სათამაშო დრო არ ეძლევა.

გავლენიანი სპორტული ჟურნალისტის, როჯერ ტორელოს მიერ გავრცელებული ინფორმაციის თანახმად, ტურინის “იუვენტუსი”, “ნაპოლი”, “ჩელსი” და “მანჩესტერ იუნაიტედი” 26 წლის მოთამაშის მდგომარეობას აკვირდებიან.

თუ კატალონიური გრანდი კესიეს გაშვებას გადაწყვეტს, ზემოთხსენებული გუნდები მის შესაძენად აუცილებლად იბრძოლებენ.

ცნობისთვის, კოტ დ’ივუარელი ფეხბურთელს “ბარსასთან” კონტრაქტი 2026 წლის ზაფხულამდე აკავშირებს.