ლეგენდარულმა ფაბიო კაპელომ ის დრო გაიხსენა, როდესაც "იუვენტუსის" მთავარი მწვრთნელი იყო.

"კალჩოპოლი იტალიური ფეხბურთისთვის ძალიან დიდი დარტყმა იყო. იუვენტუსს იმ დროს იტალიაში საუკეთესო გუნდი ჰყავდა, ჩვენ 2 სკუდეტო მოედანზე ყოველგვარი პრობლემის გარეშე მოვიგეთ, ჩვენ აშკარად უძლიერესები ვიყავით.

ისინი მსაჯების მოსყიდვაზე საუბრობენ, მაგრამ ვიღაცის მოსყიდვისთვის ფულის გადახდაა საჭირო, ასეთი რამ კი არსად დადასტურებულა. 

სამწუხაროდ, სიმართლის დადგენა კვლავ ვერ ხერხდება, იუვენტუსს 2 სკუდეტო სრულიად დაუმსახურებლად წაართვეს", - ამბობს კაპელო.