"იუვენტუსის" ლეგენდამ, ალესანდრო დელ პიერომ ტურინული კლუბის დასჯაზე ისაუბრა, რომელსაც იანვარში 15 ქულა დააკლეს.

"დიახ, არსებობს 15 ქულის დაბრუნების შესაძლებლობა, მაგრამ პირველი, რაც უნდა ითქვას, ისაა, რომ იტალიაში იუვე ყველას სძულს - ეს მთავარია, რაც უნდა ვიცოდეთ იმისთვის, რომ სიტუაციაში უკეთ გავერკვეთ. შეუძლებელია სეზონის მიმდინარეობისას დააკლო გუნდს 15 ქულა. 

თუ ვინმემ შეცდომა დაუშვა, უნდა მოიცადო და სეზონის დასრულების შემდეგ მიიღო გადაწყვეტილება. 

ეს სხვა გუნდებისთვისაც არ არის კარგი, თუ იუვეს ქულებს დაუბრუნებენ, მეორე ადგილზე იქნება, ასე რომ, ვფიქრობ, ალეგრი და გუნდი ძალიან კარგად მუშაობენ", - განაცხადა დელ პიერომ.

შეგახსენებთ, რომ იუვენტუსმა 15 ქულის დაკლება გაასაჩივრა, რაზეც სააპელაციო სასამართლო განაჩენს 19 აპრილს გამოიტანს.