ერთ-ერთი ყველაზე გავლენიანი იტალიური გამოცემის gazzetta dello sport-ის ინფორმაციით, ტურინის "იუვენტუსი" გიორგი მამარდაშვილით არის დაინტერესებული.

"ბიანკონერი" ვოიცეხ შესნის შემცვლელს ეძებს, რომელსაც კონტრაქტი 2024 წელს ეწურება და გაგრძელება ნაკლებად განიხილება.

ქართველმა კიპერმა "ვალენსიასთან" კონტრაქტი ცოტა ხნის წინ 2027 წლამდე გააფორმა და გამოსასყიდ თანხად 100 მილიონი ევრო ჩაიწერა, თუმცა ფინანსური პრობლემების გამო, მისი გაყიდვა ამ ზაფხულშივე მოხდება, რასაც ავტორიტეტული ჟურნალისტი ფაბრიციო რომანოც ადასტურებს.

გიორგის მიმართ ინტერესს ინგლისური გუნდები, მათ შორის, "ტოტენჰემი", "ლესტერი" და "ჩელსი" იჩენენ.