ანხელ დი მარია ტურინის "იუვენტუსს" დატოვებს - ფაბრიციო რომანო. 

გავლენიანი იტალიელი ჟურნალისტი, არგენტინელის მომავალთან დაკავშირებით ახალ ცნობებს ავრცელებს.

მისი თქმით, 35 წლის შემტევი კლუბს დატოვებს, ამ გადაწყვეტილებას კი მომავალ კვირაში გაავრცელებს. 

როგორც ჩანს, ფეხბურთელსა და გუნდს შორის მოლაპარაკებები ჩაიშალა. 

აქვე მოგახსენებთ, რომ დი მარიას "იუვენტუსის" შემადგენლობაში 24 მატჩი აქვს ჩატარებული სადაც 4 გოლითა და 4 საგოლე პასით გამოირჩა.