მასიმილიანო ალეგრი სულ უფრო და უფრო უახლოვდება "იუვენტუსიდან" წასვლას. ბოლო მატჩების შემდეგ იტალიელი სპეციალისტის სკამი შეირყა.

ავტორიტეტული და გავლენიანი ჟურნალისტი, რომეო აგრესტი, ასახელებს ერთ-ერთ ვარიანტს, რომელსაც შეუძლია შეცვალოს მაქსი.

წყაროს მტკიცებით, ეს პიროვნება გახლავთ იგორ ტუდორი. "ბიანკონერის" ყოფილი ხორვატი მოთამაშე ახლა "მარსელის" მთავარი მწვრთნელია და პრესკონფერენციაზე განაცხადა, რომ შემდეგ კვირაში დაჯდება ხელმძღვანელობასთან და მომავალზე მიიღებს გადაწყვეტილებას.

"ბებერ ქალბატონს" მოსწონს ტუდორი  და მისი იდეები. ვნახოთ როგორ განვითარდება მოვლენები უახლოეს მომავალში.