ცნობილი გამოცემა "Sport"-ის ინფორმაციით, კატალონიის "ბარსელონასა" და ტურინის "იუვენტუსის" წარმომადგენლები უახლოეს მომავალში ერთმანეთს შეხვდებიან.

როგორც ირკვევა, შეხვედრის მთავარი საკითხი ფრანკ კესი იქნება, რომლის გადაბირებიც "ბებერი ქალბატონია" დაინტერესებული.

გამოცემის ცნობით, ტურინელები კოტ-დ'ივუარელი ნახევარმცველის სიტუაციას აქტიურად აკვირდებიან.

აღსანიშნავია, რომ იტალიელებმა პირველი ოფიციალური შეთავაზებაც გააკეთეს და კატალონიელებს ფრანკის სანაცვლოდ 15 მილიონი ევრო შესთავაზეს.

აქვე გეტყვით, რომ თავად კესის სურვილი "ბარსაში" დარჩენა გახლავთ.