ცნობილი და გავლენიანი გამოცემა Sky Sport-ის ჟურნალისტი ფლორიან პლეტენბერგი ახალ ინფორმაციას ავრცელებს.

ჟურნალისტის ცნობით, ბორუსიის "დორტმუნდის" მარცხენა მცველი რაფაელ გერეირო სეზონის ბოლოს გუნდს აუცილებლად დატოვებს.

როგორც ირკვევა, პორტუგალიელი მცველი ბუნდესლიგურ კლუბში არსებული სიტუაციით უკმაყოფილოა, რაც მას წასვლისკენ უბიძგებს.

ცნობისთვის, მას კონტრაქტი მიმდინარე სეზონის ბოლოს ეწურება, დაინტერესებულ კლუბებთა შორის კი ტურინის "იუვენტუსსაც" ვხედავთ, რომელსაც გერეიროს ადრეც უკავშირებდნენ.

დიდი ალბათობით, "ბებერი ქალბატონი" ზაფხულის სატრანსფერო ფანჯარაზე პორტუგალიელი მცველისთვის აუცილებლად გაიბრძოლებს.