როგორც მოგეხსენებათ, საფეხბურთო სამყაროს ყურადღება ყატარში მიმდინარე მსოფლიო ჩემპიონატისკენაა მიმართული.

ტურინის "იუვენტუსს" მუნდიალზე წარმომადგენლები მრავლად ჰყავდა, თუმცა ნახევარფინალურ ეტაპზე მათი რაოდენობა არც თუ ისე დიდია.

ხორვატიასთან მეოთხედფინალში მარცხის შემდეგ "ბიანკონერის" 3 ბრაზილიელი ფეხბურთელი ყატარს დაემშვიდობა - გლეისონ ბრემერი, ალექს სანდრო და დანილო დაისვენებენ, რის შემდეგაც გუნდს შეუერთდებიან.

პრაქტიკულად გადაწყვეტილია, რომ თითოეული მათგანი 10 დღეზე მეტს დაისვენებს, რაც იმას ნიშნავს, რომ ისინი "იუვენტუსის" ვარჯიშებს 25 დეკემბრისთვის შეუერთდებიან.