ცნობილი და გავლენიანი იტალიელი ჟურნალისტი ნიკოლა სკირა ანხელ დი მარიასთან დაკავშირებით ახალ ინფორმაციას ავრცელებს.

ჟურნალისტის ცნობით, არგენტინელ ვინგერს სეზონის ბოლოს მრავალი შეთავაზება ექნება ბრაზილიიდან, არაბთა გაერთიანებული ემირატებიდან და აშშ-დან.

როგორც ირკვევა, ანხელი მიმდინარე სეზონის დასრულებას ტურინის "იუვენტუსში" გეგმავს და ზამთრის სატრანსფერო ფანჯარაზე კლუბის დატოვებას არ განიხილავს.

ცალკე სალაპარაკო თემაა ისიც, რომ დი მარია და "ბებერი ქალბატონის" ხელმძღვანელობა ახალ კონტრაქტზე შეთანხმებას ვერ ახერხებენ.