ალბათ ყველას კარგად მოგეხსენებათ იმის შესახებ, რომ "იუვენტუსი" მასიმილიანო ალეგრის შეცვლას განიხილავს.

ჯერჯერობით ეს არ არის უმთავრესი საკითხი, რადგან ახალი ხელმძღვანელობაა საპოვნი.

თუმცა, ამისდა მიუხედავად, მედიაში არ წყდება ინფორმაციები "ბიანკონერის" მომავალ მწვრთნელთან დაკავშირებით.

გავლენიანი ფრანგული გამოცემის მიერ გავრცელებული ინფორმაციის თანახმად, ზინედინ ზიდანის მომავალი ბუნდოვანია.

არსებობს იმის ალბათობა, რომ იგი გახდეს შავ-თეთრების მწვრთნელი, თუმცა, ამ შემთხვევაში, დეშამმა არ უნდა დატოვოს საფრანგეთის ეროვნული ნაკრები.

საბოლოოდ, ყველაფერი თავად ლეგენდარულ მოთამაშეზე იქნება დამოკიდებული.