ცნობილი და გავლენიანი იტალიელი ჟურნალისტი ნიკოლა სკირა ტურინის "იუვენტუსის" შესახებ ახალ ინფორმაციას ავრცელებს.

გამოცემის ცნობით, "ბებერი ქალბატონის" ხელმძღვანელობა მანუელ ლოკატელის კონტრაქტის გახანგრძლივების საკითხზე გააქტიურდა.

შეგახსენებთ, რომ იტალიელ ნახევარმცველს "ბიანკონერისთან" კონტრაქტი 2023 წლის 30 ივნისს ეწურება, გუნდს კი მისი შენარჩუნება სურს.

როგორც ირკვევა, მხარეებს შორის მოლაპარაკება დაიწყო და ტურინულ გრანდში სურთ, რომ ახალი ხელშეკრულება 2027 წლამდე გაფორმდეს.